Юлия Путинцева WTA рейтингінде өз орнын сақтап қалды

Қазақстанның №1 теннисшісі Юлия Путинцева Әйелдер теннис қауымдастығының (WTA) жаңартылған рейтингінде өз орнын сақтап қалды. Қазір ол әлемдік рейтингте 64-орында тұр. Зарина Дияс бір саты жоғарылап 68 орынға көтерілсе, Ярослава Шведова да 1 орын көтеріліп, 82-орынға тұрақтады. Ал, ерлер арасында Андрей Голубев Астралияда өткен «Челленджер» турнирінің финалына шығып, жергілікті теннисшіден 7:6, 1:6, 2:6 есебімен жеңіліп қалған еді. Осыдан кейін Андрей Голубев 40 саты жоғарылап, 181 орынға шықты. Михаил Кукушкин 1 саты төмендеп, 93-орынға жайғасқан. Ал, Александр Недовесов бірден 10 саты түсіп, 175-орынға тұрақтады.