Юлия Путинцева Қазақстанның бірінші ракеткасы атанды

Бүгін Халықаралық әйелдер теннис қауымдастығы теннисшілердің рейтингін жаңартты. Қазақстандық теннисші Юлия Путинцева Австарлия Ашық чемпионатының үшінші кезеңіне дейін шығып, өз нәтижесін біраз жақсартып алды. Тіпті рейтингте 12 саты жоғарылап, 64 орынға көтерілді. Сөйтіп, Юлия Путинцева қазақстанның №1 теннисшісі атанды. Осыған дейінгі қазақстанның бірінші теннисшісі атанған Зарина Диас Австарлия Ашық чемпионатындағы сәтсіз ойынынан кейін 12 саты төмендеп, 69 орынға жайғасты. Ал, Ярослава Шведова 13 саты төмендеп, 83 орынға тұрақтады.