Australian Open – 2016. Зарина Диас америкалық теннисші Мэдисон Кизден ұтылып қалды

Қазақстандық теннисші Зарина Диас Австралия Ашық чемпионатының алғашқы айналымында жеңіліп қалды. Әлемнің 57-ракеткеткасы Зарина Диас бірінші айналымда әлем рейтингінде 17-орында тұрған америкалық теннисші Мэдисон Кизбен кездесіп, 6:7, 1:6 есебімен қарсыласына жол берді. Сондай-ақ, ерлер арасындағы бәсекеде еліміздің бірінші ракеткасы Михаил Кукушкин де португалиялық теннисші Жоау Соузеден 3:6, 4:6, 3:6 есебімен ұтылды. Ал, тағы бір қазақстандық теннсиші Ярослава Шведова турнирдің келесі айналымына өтті. Ол бірінші айналымда болгариялық теннисші Цветана Пиронкованы екі сетте 6:4, 6:4 есебімен ұтты. Айта кетейік, Австралия Ашық чемпионатының екінші айналымына Ярослава Шведовадан бөлек Юлия Путинцева да шыққан.