Зарина Диас Торонто турнирінің бірінші айналымында ұтылып қалды

Канаданың Торонто қаласында теннистен халықаралық турнирдің алғашқы айналымында Қазақстанның бірінші ракеткасы Зарина Диас германиялық Юлия Гергеспен кездесіп, 6:2, 1:6, 5:7 есебімен жеңіліп қалды. 26 жастағы германиялық теннисші Юлия Гергес әлемнің 60-ракеткасы, ал, Зарина Диас рейтингте 34-орында. Хард алаңында өтетін жарыстың жүлде қоры 2,377 миллион АҚШ долларынан асады. Онда әлемнің бірінші ракеткасы Серена Уильямс, ресейлік Мария Шарапова сияқты мықты теннисшілер бақ сынауда.