Юлия Путинцева «Ролан Гаррос» турнирінің екінші айналымына шықты

Парижде теннистен өтіп жатқан «Ролан Гаррос» турнирінде Юлия Путинцева ғана сәтті өнер көрсетуде. Қазақстандық теннисші Юлия Путинцева әлемдік рейтингте 87-орында тұрған сербиялық Александра Круничпен кездесіп, үш сетте 3:6, 6:3, 6:3 есебімен жеңіске жетті. Екінші айналымда ЮлияПутинцева турнирдің 19-ракеткасы украиналық Элина Свитолинамен күш сынасады. Сонымен қатар, бүгін Қазақстанның бірінші ракеткасы Зарина Диас кортқа шығады. Қарсыласы – германиялық Дина Пфиценмайер.