Александр Недовесов Гуанчжоуда өткен жұптық жарыста жеңімпаз атанды

Қазақстандық теннисші Александр Недовесов испаниялық Даниэль Муньоспен бірге Гуанчжоу қаласында өткен «Челленджер» сериясының жұптық турнирінде топ жарды. Қытайда аяқталған жарыстың жүлде қоры – 50 мың АҚШ доллары. Жұптық сайыстың финалында Недовесов пен Муньос франциялық Фабрик Мартин мен үнділік Пурава Раджа жұбын 6:2, 7:5 есебімен жеңді. Айта кетейік, турнирдің алғашқы айналымында италиялық Рикардо Гнедин мен бразилиялық Андре Гемадан 6:7, 6:4, 10:7 есбімен басым түскен. Ширек финалда нидерландтық Весли Колхоф пен Матвей Миделлкопты 6:1, 4:6, 10:6 есебен жеңген. Ал, жартылай финалда олар турнирдің басты фавориттері ұлыбританиялық Колин Флеминг пен Джонатан Маррейді үш сетте 7:6, 2:6, 10:7 есебен ұтқан еді. Фото: ktf.kz