Зарина Диас Әлем рейтингінде 31-орынға көтерілді

Бүгін халықаралық теннис қауымдастығы ерлер және әйелдер арасындағы рейтингін жаңартты. Жаңа рейтингте Зарина Диас 2 саты жоғарылап, 1495 ұпаймен 31-орынға көтерілді. Зарина өткен аптада Дубайда аяқталған турнирдің үшінші айналымына дейін жеткен. Ол бүгін Qatar Open турниріндегі алғашқы кездесуін тунистік Унс Жабермен өткізеді. Сондай-ақ, әйелдер арасындағы жаңа рейтингте Ярослава Шведова 1 саты жоғарылап, 964 ұпаймен 52-орынға көтерілді. Юлия Путинцева 110-орыннан 112-орынға сырғыса, Сесиль Каратанчева 155-орынан 158-орынға төмендеді. Ерлер арасындағы рейтингте Михаил Кукушкин 1 саты төмен сырғып, 827 ұпаймен 58-орынға тұрақтады. Ал, Андрей Голубев — 81-орыннан 108-орынға, Александр Недовесов 116-орыннан 131-орынға бір-ақ сырғыды.