Зарина Диас Qatar Open турнирін аяқтады

Қазақстандық теннисші Зарина Диас Катар астанасы Доха қаласында өтіп жатқан Qatar Open халықаралық турнирінің екінші айналымында Андреа Петковичтан ұтылып қалды. Турнирдің жүлде қоры – 731 мың АҚШ долларын құрайды. Алғашқы айналымда Зарина Диас тунистік Онс Жабермен кездесіп, 6:3, 6:2 есебімен жеңген болса, екінші айналымда әлемнің 10-ракеткасы бельгиялық – Андреа Петковичтан 7:5, 2:6, 4:6 есебімен жеңіліп, ширек финалға шыға алмады. Айта кетейік, бір апта бұрын Дубайда аяқталған турнирде Зарина Диас дәл осы бельгиялық теннисшіні ұтқан. Сондай-ақ, ерлер арасындағы бәсекеде отандасымыз Андрей Голубев екінші айналымда әлемнің бірінші ракеткасы, сербиялық Новак Джоковичтен 6:1, 6:2 есебімен ұтылды.