Федерация Кубогы. Қазақстан қыздар құрамасы бірінші топтың финалына шықты

Қазақстан құрамасының теннисші қыздары Федерация Кубогының бірінші тобының (Азия/Мұхит аймағы) финалына шықты. Бұл жолғы жерлестеріміздің қарсыластары Таиланд құрамасы болды. Бірінші кездесуде Ярослава Шведова Пеангтхан Плипхечтен басым түсті. Есеп – 6:7, 7:5, 6:2. Ал, екінші матчта Зарина Диас Ничу Летпитаксинчай есімді қарсыласын 6:0, 6:0 есебімен ұтты. Бірінші топтың финалдық ойындарында жерлестеріміз жапониялық теннисші қыздармен бақ сынасады. Кездесу – 7 ақпанда өтеді.