Федерация Кубогы. Қазақстан құрамасының қарсыластары - Таиланд, Қытай және Тайпей

2015 жылдың 4-7 ақпанында Қытайдың Гуанчжоу қаласында теннистен Азия-Тынық мұхиты аймағындағы І топтың ойындары өтеді. 8 құрама ІІ Әлемдік топтың плей-офф кезеңінің жолдамасы үшін тартысқа түспек. Қазақстан Ұлттық құрамасының капитаны Диас Досқараев тізімге еліміздің бірінші ракеткасы Зарина Диасты, сондай-ақ, Ярослава Шведова, Юлия Путинцева және Камила Керімбаеваны енгізді. Жеребе қорытындысы бойынша қазақстандық теннисшілер «B» тобында Таиланд, Қытай және Тайпей құрамаларымен кездеседі. Ал, «А» тобында Жапония, Өзбекстан, Оңтүстік Корея және Гонгконг спортшылары сынға түседі. Әрі қарай А және В тобының жеңімпаздары ІІ Әлемдік топтық плей-офф кезеңінің жолдамасына таласады.