Кукушкин Сиднейдегі ATP турнирінің жартылай финалына шықты

Жарыстың ширек финалында Михаил Кукушкин аргентиналық Хуан Мартин Дель Потроны ұтты. Сидейдегі (Австралия) турнирдің жүлде қоры – 430 мың АҚШ доллары. Қазақстанның бірінші ракеткасы Михаил Кукушкин аргентиналық Хуан Мартин Дель Потроны екі сағатта 7:6 (7/5), 7:6 (7/3) есебімен жеңді. Айта кетейік, қазіргі таңда Михаил Кукушкин ATP рейтингісінде 66-шы, ал Хуан Мартин Дель Потро 338-ші орында тұр. Осылайша екі теннисші арасындағы жалпы кездесулер есебі – 1:1. Енді қазақстандық теннисші финалға шығу үшін аргентиналық Леонардо Майермен ойнайды. Ширек финалға дейін қазақстандық спортшы уругвайлық Пабло Куэвасты 7:5, 7:5, ал өзбекстандық Денис Истоминді 6:3, 7:6 есебімен жеңген еді.