Зарина Диас жаңа маусымды жеңіспен бастады

Қазақстандық теннисші Зарина Диас Қытайдың Шэньчжэн қаласында өтіп жатқан WTA турнирінде хорватиялық Донна Векичпен кездесіп, жеңіске жетті. Есеп – 6:3, 6:1.

Кездесу 56 минутқа созылды. Бұл – 21 жастағы қазақстандық теннисшінің жаңа маусымдағы алғашқы ойыны.

Екінші айналымда Зарина Диас венгриялық теннисші Тимеа Бабошпен кездеседі.

Айта кетейік, турнирдің жүлде қоры – 500 мың АҚШ доллары. Жарыс 10 қаңтарға дейін созылады.