Жеңілатлет Ольга Рыпакова Рио-де-Жанейрода өтетін Олимпиадаға жолдаманы жеңіп алды

ҚР ҚМ Орталық армия спорт клубының капитаны, қазақстандық жеңілатлет Ольга Рыпакова Шанхайда өткен Diamond Leauge (Бриллиант лигасы) жарысында қола медаль жеңіп алды. Осы жеңісі арқылы ол Рио-де-Жанейро Олимпиадасына жолдама иеленді, деп хабарлады ҚР Қорғаныс министрлігінің баспасөз қызметі. Енді Ольга Рыпакова өзінің спорттық жолында үшінші Олимпиадаға қатысады. Бұған дейін спортшы 2008 жылы Пекин Олимпидасына қатысып, 4-ші орын алған еді. Ал, 2012 жылы Лондон Олимпиадасында үштік секіруден алтын медаль ұтып алған.