Усейн Болт Әлем чемпионатына қатысады

Жеңіл атлетика бойынша алты дүркін Олимпиада чемпионы Усейн Болт 2-3 мамыр күндері Багам оралдарында өтетін эстафеталық Әлем чемпионатына қатысады. Бұл туралы Халықаралық жеңіл атлетика федерациясының (IAAF) баспасөз қызметі хабарлады. Әлем біріншілігіне 600-ге жуық спортшы қатысады деп жоспарлануда. Эстафеталық бәсекелер 4х100 метр, 4х200 метр, 4х400 метр, 4х800 метрге жүгіру бойынша өтеді. «Ямайка елінің намысын қорғау мен үшін мақтаныш. Мен өзімді жақсы сезінудемін және чемпионатқа 100 пайыз дайынмын», - дейді Болт.