«Атлетико Мадрид» - УЕФА Суперкубок иегері

Эстония астанасы Таллин қаласында УЕФА Суперкубогы үшін «Реал» мен «Атлетико» арасында өткен ойында Диего Симеоне шәкірттері басым түсті.

Ойынның алғашқы минутында «Атлетико» сапынан Диего Коста есепті ашса, 27-ші минутта Карим Бензема есепті теңестірді.

Екінші таймда «корольдік клубтың» капитаны Серхио Рамостың пенальтиден соққан добына 79-шы минутта тағы да Диего Коста жауап қатты. Осылйша ойынның негізгі уақыты тең аяқталып, футболшылар экстра-таймда кім мықтыны анықтады.

Экстра-таймда Диего Симеоне шәкірттерінің жолы болды. Сауль мен Кокенің қос голы жауапсыз қалып, «Атлетико» УЕФА Супрекубок иегері атанды.

Голдар:  0:1 - 1' Коста, 1:1 - 27' Бензема, 2:1 - 63' Рамос (Пенальти), 2:2 - 79' Коста, 2:3 - 98' Сауль, 2:4 - 104' Коке.