Футболдан Қазақстан кубогының ширек финалдық ойындарының жеребесі тартылды

2018 жылғы Қазақстан кубогының жеребесі тартылып, ширек финалда кездесетін командалар жұбы анықталды. 

Жеребе тарту рәсімі алдында барлық 8 команда бір қоржынға салынды. Яғни бәрі тең жағдайда болды.

Алматылық «Қайратының» көпшілікке танымал, бұрынғы ойыншысы, ардагер шабуылшы Евстафий Пехлеваниди жеребе тарту рәсіміне құрметті қонақ ретінде қатысып, Қазақстан кубогының ширек финалында кездесетін командалар жұбын анықтады: 

«Ордабасы» – «Қайрат» 
«Мақтарал» – «Ертіс»
«Атырау» – «Тобыл» 
«Шахтер» – «Қайсар» 

Ширек финалдық ойындар 23 мамыр күні, әр жұпта бірінші жазылған клубтың алаңында өтеді.