Футболдан Қазақстан құрамасы Венгриямен жолдастық кездесу өткізеді

ҚР Футбол федерациясының мәлімдеуінше, екі елдің федерациялары арасында жолдастық кездесу өткізуге байланысты келісімге қол қойылған. Матч 23 наурыз күні Венгрия астанасы Будапештте «Групама Арена» стадионында өтеді.

Қазіргі таңда Венгрия ФИФ рейтингінде 54-орында. 2016 жылғы Еуропа чемпионатында сәтті өнер көрсетіп, топтан шыққан болатын. Бас бапкері Алжир, Бельгия, сондай-ақ, «Андерлехт», «Брюгге», «Трабзонспор» сынды командаларды жаттықтырған білікті маман – Жорж Лекенс.

Естеріңізге сала кетсек, бұған дейін қос команда 2014 жылы жолдастық кездесу өткізіп, Будапешттегі ойында венгриялықтар басым болған еді.