Қазақстандық «Вельвет» футбол клубы «Turkish Holidays-2015» турнирінде 3-ші орын иеленді

Қазқстандық «Вельвет» (Алматы) футбол клубы халықаралық «Turkish Holidays-2015 Spring Edition» (Алания, Түркия) турнирінде 3-ші орын жеңіп алды. Жарысқа 9 мемлекеттен 42 команда қатысқан. Олар 6 жас категориясында сынға түскен. Қазақстандық «Вельвет» футбол клубы, Шымкенттегі №7 ОРБЖСМ және Алматыдағы №2 ОРБЖСМ футболшылары 2003 туған балалар арасында ойнаған. 5 мемлекеттен (Қазақстан, Италия, Грузия, Әзірбайжан мен Болгария) келген 8 команда екі топқа бөлініп, бақ сынасты. Қазақстандық «Вельвет» командасы жартылай финалда «Лацио» командасына 1:3 есебімен есе жіберді. Алайда, 3-ші орын үшін болған ойында әзірбайжандық «Ватан» клубынан 2:1 есебімен басым түскен. Сонымен қатар, қазақстандық «Вельвет» командасының ойыншысы Вадим Шпитко турнирдің «Үздік қорғаушысы» атағын иеленді. А тобы: 1. «Лацио» (Рим, Италия) 2. «Аваза» (Тбилиси, Грузия). 3. «№2 ОРБЖСМ» (Алматы, Қазақстан). 4. «Векта» (Пловдив, Болгария). В тобы: 1. «Ватан» (Баку, Әзірбайжан). 2. «Вельвет» (Алматы, Қазақстан). 3. «№7 ОРБЖСМ» (Шымкент, Қазақстан). 4. «Ирао» (Тбилиси, Грузия). «Вельвет» - «№7ОРБЖСМ» 2:1 «Вельвет» - «Ирао» 3:0 «Вельвет» - «Ватан» 0:1 Жартылай финал: «Вельвет» – «Лацио» 1:3 3-ші орын үшін ойын: «Вельвет» – «Ватан» 2:1 Финал: «Лацио» - «Аваза» 0:1