Еуро-2016. Қазақстан футболшылары Исландия құрамасына есе жіберді

Бүгін Футболдан Қазақстан Ұлттық құрамасы 2016 жылғы Еуропа Чемпионатының іріктеу турнирінде Исландия құрамасын қабылдады. 13182 жанкүйер жиналған «Астана-Арена» стадионында өткен ойын 0:3 есебімен аяқталды. Матчтың 20-шы минутында Эйдур Гудьонсен есепті ашып, қонақтарды алға шығарды. Ал, ойынның 32-ші минутында Биркир Бьярнасон тағы бір гол соғып, Исландия құрамасы 1-ші таймды 0:2 есебімен аяқтады. Ал, ойынның 92 минутында Биркир Бьярнасон дубль жасап, есепті 0:3-ге жеткізді. Осы уақытқа дейін Исландия құрамасы іріктеу кезеңіндегі төрт ойынның тек біреуінде ғана жеңіліп, «А» тобынында екінші орында еді. Астанада аяқталған матчтан кейін олар топта 12 ұпай жинады. Ал, Қазақстан Ұлттық құрамасы бес ойыннан кейін әзірге бір ұпаймен топ соңында.