Лондонда Олимпиада чемпионы Бақтияр Артаев атындағы футболдан турнир өтті

Бұл - осымен екінші рет ұйымдастырылған шара. Бұл турнирге әбден жаттыққан 16 команда келді. Тартысты ойын көрсетіп, жанкүйерлер көңілінен шыға білді. Турнирдің өтуіне мұрындық болған Ұлыбританиядағы Қазақстан елшілігі мен «Болашақ» халықаралық бағдарламалар орталығы. Шара иесі - чемпион Бақтияр Артаев командаларды қолдады. Спортшы мұндай жарыстар салауатты өмір салтын насихаттап қана қоймай, елден шалғай жүрген қазақстандық жастардың ауызбіршілігін бекем ететінін айтады. «Манчестер» командасы финалда USL ұжымын 3:0 есебімен ұтып, Б.Артаев кубогын иеленді. Үшінші орын «Айран» командасына бұйырды. Ол негізінен Британияда жұмыс істеуге қалған университет түлектерінен жасақталған команда еді. Ал, турнир иелері - Брунель университетінің шәкірттері 4-ші орынға тұрақтады.