«Астана» мен «Гамбург» жолдастық кездесу өткізеді

Ел чемпионы Германия Бундеслигасының командасымен Дубайда кездеседі.

«Астана» футбол клубы «Гамбургпен» жолдастық кездесу өткізеді. Бұл туралы германиялық клубтың ресми сайты хабарлайды.

Бұған дейін, «Астана» 4-24 қаңтар аралығында Дубайда екінші оқу-жаттығу жиынын бастайтынын жария еткен еді. Ал, «Гамбургпен» өтетін матч 18 қаңтарға жоспарланған.

Станимир Стойлов шәкірттері тағы бірнеше жолдастық кездесуін өткізеді. Алайда, қарсыластары мен уақыты әзірге белгісіз.  

«Астана» алғашқы оқу-жаттығу жиынын Түркияда өткізген еді.

Фото: www.hsv.de