«Ертіс» футбол клубымен қош айтысатын футболшылардың есімдері белгілі болды

Түркияда оқу-жаттығу жиынын өткізіп жатқан павлодарлық «Ертіс» футбол клубының бас бапкері Дмитрий Черышев бірнеше ойыншымен қош айтысатынын мәлімдеді.

Оқу-жаттығу жиынына шақырту алған хорватиялық Рензо Редина («Вердер-2», Германия) мен черногориялық Драган Богавац (ОФК Белград, Сербия) бас бапкердің көңілінен шықпаған, деп хабарлайды pavlodarnews.kz.

Сонымен қатар, қазақстандық ойыншылар Біржан Сағындық пен Әлібек Сәкенов (жарақат алуына байланысты) елге оралды.

«Алғашқы жиын ойыншыларды іріктеп, команданы қалыптастыру үшін қажет. Жаңа жылға дейін құраманың 50-60 пайызы белгілі болады», -дейді «Ертіс» футбол клубының директоры Игорь Елащук.