Мальдини, Дзанетти мен Фигу «Қайратқа» қарсы ойнайды

26-шы тамызда Алматыда «Қайратқа» қарсы ойнайтын әлем құрамасының ойыншылары белгілі болды, деп хабарлайды клубтың ресми сайты. Әлем құрамасының ойыншылары: Қақпашылар: Франческо Тольдо, Йенс Леманн Қорғаушылар: Паоло Мальдини, Хавьер Дзанетти, Алессандро Костакурта, Кахабер Каладзе, Фабио Каннаваро, Кристиан Пануччи. Жартылай қорғаушылар: Сержиньо, Ривалдо, Луиш Фигу, Леонардо, Эдгар Давидс, Кларенс Зеедорф. Шабуылшылар: Андрей Шевченко, Кристиан Вьери, Дуайт Йорк. «Қайрат» үшін Евстафий Пехлеваниди, Владимир Нидергаус, Дмитрий Огай мен Михаил Гурман сияқты басқа да атақты ойыншылар ойнайды. Әлем құрамасының бас бапкері футболдан Ресей құрамасының бас бапкері Фабио Капелло болады. Ал, «Қайрат» клубының ардагер ойыншыларына қазандық «Рубиннің» бұрынғы бапкері Құрбан Бердыев басшылық етеді. Ойыннан бөлек, афтограф-сессия мен футболшылармен суретке түсу ұйымдастырылады.