Франк Рибери Франция құрамасындағы карьерасын аяқтады

«Бавария» және Франция Ұлттық құрамасының жартылай қорғаушысы Франк Рибери Ұлттық құрама сапындағы карьерасын аяқтайтынын мәлімдеді. «Мен Франция Ұлттық құрамасынан кетемін, өйткені карьерамды аяқтайтын уақыт келді. Уақытымның басым бөлігін отбасыма және «Бавария» клубындағы ойыныма көбірек бөлмекшімін. Францияда дарынды жас футболшылар өте көп, және сол футболшылар Ұлттық құрамада ойнауға тиіс. Құрама сапында бірқатар сәтті және сәтсіз кезеңдерді басымнан өткіздім. Енді, өмірімнің жаңа кезеңін бастайтын уақыт келді», - дейді Франк Рибери.