«Манчестер Юнайтед» капитаны – Уэйн Руни

«Манчестер Юнайтед» клубының шабуылшысы Уэйн Руни жаңа маусымнан бастап клубтың капитаны болады. Бұл туралы «Манчестер Юнайтед» клубының бас бапкері Луи ван Гал мәлімдеді. Вице-капитан етіп Даррен Флечерді тағайындаған. «Мен капитандарды өте талғаммен таңдаймын. Руни әр іске тиянақты. Кәсіби футболшы. Ол командадағы жас футболшыларды рухтандыра алады. Сондықтан менің таңдауым Уэйн Руниге түсті. Ал, вице-капитан Даррен Флетчер болады. Даррен де өте талантты футболшы», - деді Луи ван Гал. Былтырғы маусымда команда капитанының міндетін Неманья Видич атқарған болса, вице-капитандықты Патрис Эвра атқарған еді. Екі футболшы да жазғы трансфер кезінде басқа клубқа ауысқан. Видич Миланның «Интер» клубымен, Эвра туриннің «Ювентус» клубымен келісімшарт жасасты.