Тікелей эфирде – «Ақтөбе» мен «Стяуа» ойыны

Бүгін қазақстандық «Ақтөбе» клубы Чемпиондар Лигасының үшінші іріктеу кезеңіндегі алғашқы ойынын өз алаңында өткізеді. «Ақтөбе» бухарестік «Стяуа» клубын қабылдайды. Матч Астана уақытымен 21:00-де басталады. Ойынды «KAZsport» телеарнасы тікелей эфирден көрсетеді. Қарымта кездесу келесі аптада Бухарест қаласында өтеді. Айта кетейік, «Ақтөбе» екінші іріктеу кезеңінде тбилисилік «Динамо» клубын екі ойын қорытындысы бойынша 4:0 есебімен ұтты. Ал, «Стяуа» бұл кезеңде Норвегияның «Стремсгодсет» командасынан басым түсті.