«Реал» мен «Монако» Хамес Рордигесті сатып алу жөнінде келісімге келді

Мадридтік «Реал» Колумбия құрамасының жартылай қорғаушысы Хамес Родригесті 70 миллион еуроға сатып алады, деп хабарлайды испаниялық AS басылымы. «Реал» клубы мен футболшы арасындағы алдын ала келісімшарттың бірінші бөлігі аяқталған. Ресми емес ақпаратқа сүйенсек, Хамес корольдік клубта жылына 7,5 миллион еуро жалақы алатын болады. 23 жастағы колумбиялық Бразилияда өткен Әлем чемпионатында бес ойында 6 доп соғып, мундиальдің үздік шабуылшысы атанды. 2013 жылдың мамырынан бастап «Монако» клубына «Портудан» ауысқан Хамес Родригес франциялық клуб сапында 34 матчта 9 рет мергендігімен танылған.