Массимилиано Аллегри - «Ювентус» клубының жаңа бапкері

Ол бұл қызметке Антонио Контенің орнына келді. Италиялық «Ювентус» клубы Массимилиано Аллегриді бас бапкер қызметіне тағайындалу туралы келісімшарт жасады, деп хабарлайды La Gazzetta dello Sport. «Милан» командасының бұрынғы бапкері 2 жылдық келісімшарт жасасты. Енді оның жалақысы жылына 2 миллион еуро болады. 46 жастағы маман «Милан» клубын 2010-жылдан 2014-жылға дейін жаттықтырған. Сол уақытта ол 2010-11 маусымында чемпиондық атаққа қол жеткізіп, Суперкубок (2011) ұтып алған. Ал, 2014 жылдың қаңтар айында жұмысынан кетті. «Ювентус» командасының бас бапкері болған Антонио Конте өз қызметін 15-ші шілде күні босатты. Бапкер мен клуб басшылығы келісімшартты ұзарта алмай, екіжақты келісімге келген.