Басты Жаңалықтар Футболдан «KAZsport» телеарнасының кубогы өтті (ФОТО)

Футболдан «KAZsport» телеарнасының кубогы өтті (ФОТО)

31.05.2014 05:28

Бүгін «Астана-Арена» стадионында футболдан «KAZsport» телеарнасының бір жылдығына орай ұйымдастырылған турнир өтті. Жарысқа бұқаралық ақпарат құралдары өкілдерінен жасақталған 12 команда қатысты.

Олар -«KAZsport» телеарнасы, «Қазақстан» Ұлттық телеарнасы, «Астана» телеарнасы, «Қазконтент», «Егемен Қазақстан», «Журналистер үйі», «Хабар», «Шалқар» радиосы, «Қазақстан» РТРК, «24kz» телеарнасы, Ұлттық құрамалар штаттық дирекциясы және баспасөз қызметінің құрамасы.

Жарыс қорытындысы бойынша бірінші орынды «Хабар» агенттігінің командасы иеленді. Екінші орында - Ұлттық құрамалар штаттық дирекциясы. Үздік үштіктен «Қазақстан» РТРК көрінді.

Сонымен қатар, жасыл алаңда шеберлігімен көзге түскен ойыншылар марапатталды. Үздік ойыншы - Нұрислам Құспанғали, үздік қорғаушы - Асқар Мұхтаров, үздік қақпашы - Қанат Базылхан.