«Галатасарай» футболшылары алаңға каска киіп шықты

Түркия чемпионатының соңғы турында өз алаңында «Эрджиеспор» командасын қабылдаған «Галатасарай» футболшылары алаңға кеншілердің каскасын киіп шықты. Бұл арқылы ойыншылар Сома қаласындағы шахта апатынан  қаза тапқан кеншілердің отбасына қолдау білдірді. 

Соңғы деректер бойынша 13 мамырда болған апаттан  300-ге жуық адам қайтыс болған.

Бұл ойында Бурак Ильмаз мен Умут Булут бір-бір голдан соқты. Стамбулдық клуб 2:1 есебімен жеңіске жетіп, ел чемпионатының күміс жүлдесіне ие болды.

Айта кетейік, бұған дейін «Галатасарай» ойыншысы Дидье Дрогба апаттан қаза тапқан шахтерлердің отбасыларына 1 миллион доллар көмек көрсеткен еді.

Фото: galatasaray.org