Футболдан ҚР Кубогының жеребесі тартылды

Астанада Қазақстан футбол федерациясының ғимаратында футболдан Қазақстан Республикасы кубогының 1/8 кезең жеребесі тартылды. Ел кубогының бірінші айналымынан сүрінбей өткен 11 командаға өткен маусымның жартылай финалына шыққан «Шахтер», «Тараз», «Ертіс» және «Ақтөбе» командалары және ел чемпионатында аталмыш командалардан кейін үздік нәтижеге қол жеткізген «Астана» командасы қосылады. Футболдан ҚР кубогының 1/8 финалы: «Қайрат» (Алматы) – «Гефест» (Қарағанды). «Қайсар» (Қызылорда) – «Ақтөбе» (Ақтөбе). «Тобыл» (Қостанай) – «Қыран» (Шымкент). «Тараз»(Тараз) – «Ордабасы» (Шымкент). «Лашын» (Қаратау) – «Шахтер» (Қарағанды). «Ертіс» (Павлодар) – «Қызыл-Жар СК» (Петропавл). «Восток» (Өскемен) – «Атырау» (Атырау). «Астана» (Астана) – «Астана-1964» (Астана). Айта кетейік, 1/8 айналымының ойындары 14 мамыр күні өтеді. Ойындар тізімде бірінші көрсетілген командалардың алаңында өтеді.