Футболдан Қазақстан Кубогының жеребесі тартылды

Бүгін Астанада футболдан Қазақстан Кубогының бірінші кезеңінің жеребесі тартылды. Бірінші кезеңде жарысқа 22 клуб қатысады. Тағы бес клуб жүлдеге 1/8 айналымда қосылады. Олар - 2013 жылғы Қазақстанның Кубогының жартылай финалының қатысушылары – «Шахтер», «Тараз», «Ертіс», «Ақтөбе». Сонымен қатар, жартылай финалға шыққан командаларды санамағанда премьер-лигада жоғары орынға ие болған «Астана» командасы да алғашқы айналымға қатыспайды. Қазақстан Кубогының ережесі бойынша бірінші кезеңде премьер-лига командалары бірінші лиганың командаларымен кездеседі. Ал ойын бірінші лига өкілдерінің алаңдарында өтеді. «Жетісу-Сұңқар» - «Қайсар» «Болат» - «Атырау» «Гефест» - «Жетісу» «Екібастұз» - «Ордабасы» «Байтерек» - «Тобол» «Лашын» - «Спартак» «Оқжетпес» - «Қайрат» «Астана-1964» - «Мақтаарал» «Каспий» - «Восток» «ЦСКА» – «Қызылжар» «Қыран» - «Ақжайык» Жеңімпаздар бір матчтың қорытындысы бойынша анықталады. Ойын 23 сәуірде өтеді.