Кака «Милан» сапындағы 100-ші голын соқты

Жаңа жылдың алғашқы матчында «Милан» өз алаңында «Аталантаны» қабылдап 3:0 есебімен жеңіске жетті. Бұл ойында екі мәрте көзге түскен бразилиялық Кака «Милан» құрамындағы 100-ші голды еншісіне жазды.

Ойынның 35 минутында Урби Эмануэльсон пасынан кейін Кака есеп ашты. Бұл бразиялық футболшының «Милан» сапындағы 100-ші голы болды. Екінші таймда Кака тағы бір гол соғып есепті еселеді. Араға үш минут салып жас ойыншы Бриан Кристанте қонақтар қақпасына үшінші голды соқты.

Бұл жеңістен кейін «Милан» 22 ұпай жинап, 9 сатыға көтерілді.