«Шахтер» - Қазақстандағы ең танымал футбол клубы

Клубтар рейтингісі ақпараттық портал сауалнамасы нәтижесінде анықталған. «Sports.kz» республикалық спорт порталы елдегі танымал клубты анықтау мақсатында сауалнама жүргізді. Европа Лигасының топтық сынында өнер көрсететін қарағандылық «Шахтер» ең көп дауыс жинады - 40,1%. Ал екінші орынға Қазақстанның төрт дүркін чемпионы - «Ақтөбе» жайғасты. «Ақтөбе» 22% дауыс жинады. Ал павлодарлық «Ертіс» үшінші орынға орналасты - 7,9%. Сонымен қатар алғашқы бестікке алматылық «Қайрат» пен шымкенттік «Ордабасы» ілікті. Естеріңізге сала кетейік, қарағандылықтар Европа Лигасындағы кезекті ойынын 3 қазан күні Израильдің «Маккаби» командасына қарсы өткізеді.