Қазақстандықтар грек-рим күресінен кадеттер арасында өткен халықаралық турнирде бес жүлде иеленді

Қазақстандықтар Ресейдің Ростов-на-Дону қаласында грек-рим күресінен кадеттер арасында ағайынды Самургашевтердің жүлдесі үшін өткізілген халықаралық жарыста бір алтын, бір күміс және үш қола жүлде иеленді, деп хабарлайды Қазақстан күрес федерациясының ВКонтактедегі ресми парақшасы. Қазақстандық палуан Антон Савенко 100 келі салмақ дәрежесінде турнирдің жеңімпазы атанған. Ол финалда ресейлік Даниила Кругликтен басым түскен. 46 келіге дейінгі сайыста Диас Күресбай финалда армениялық Сергей Семанянға жол беріп, күміс жүлдені еншіледі. Сонымен қатар, 50, 58 және 85 келіде белдескен палуандарымыз қола жүлде иеленді.