Винченцо Нибали «Джиро д'Италия – 2016» көпкүндігінің жеңімпазы атанды

«Астана» командасының капитаны, итальяндық велошабандоз Винченцо Нибали «Джиро д'Италия» көпкүндігінің жалпы есебінде жеңіске жетті. 31 жастағы Нибали Гран-турда осымен төртінші мәрте жеңіске жетіп отыр. Ол 2013 және 2016 жылдары «Джиро» көпкүндігінде, 2014 жылы «Тур де Франста» ал, 2010 жылы «Вуэльтада» мерейі үстем болған еді. «Джиро д'Италия – 2016» көпкүндігінде колумбиялық Эстебан Чавес (Orica-GreenEdge) екінші орын иеледі. Үшінші орынға «Movistar» командасының спортшысы испандық Алехандро Вальверде табан тіреді.