Велошабандоз Артем Захаров Рио Олимпиадасына жолдама ұтып алды

Велотректен Қазақстан Ұлттық құрамасының мүшесі Артем Захаров Рио-де-Жанейрода өтетін Жазғы Олимпиада ойындарына жолдама жеңіп алды. Соңғы екі маусым бойы қазақстандықтарды түрлі деңгейдегі халықаралық жарыстар, соның ішінде Азия және Әлем кубоктарында жоғары нәтижелерімен қуантқан Артем Захаров Олимпиаданың үздік 18 спортшысының рейтингіне кірді. Осылайша, қазақстандық велотрекшілер Афины-2004 Олимпиадасынан бері алғаш рет төрт жылдықтың басты додасына қатыспақ. Бүгінде Қазақстанның қоржынында 50 Олимпиадалық лицензия бар. 2016 жылғы Жазғы Олимпиада ойындары 5-21 тамыз күндері Рио-де-Жанейрода (Бразилия) өтеді. inform.kz