Ә. Жақсыбеков «Астана» велокомандасымен кездесті

Астана қаласының әкімі Ә.Жақсыбеков Қазақстан велоспорт федерациясының президенті Дархан Қалетаев және «Астана» велокомандасының өкілдері – Олимпиада чемпионы, бас менеджер Александр Винокуров, велоспортшылар Фабио Ару мен Андрей Зейцпен кездесті. Елорда әкімі, бірінші кезекте, 4 қазанда өткен «Алматы Туры- 2015» халықаралық кәсіби веложарыста қазақстандық Алексей Луценконың жеңісі мен «Ломбардия туры» атты классикалық италияндық веложарыстағы Винченцо Нибалидің жеңісімен құттықтады. Фабио Ару Астана қаласының әкіміне велоспортты қолдағаны үшін алғысын білдіріп, испандық «Вуэльта» Гранд Тур жеңімпазының қызыл жейдесін табыстады. Александр Винокуров, Ә.Жақсыбековке «А.Винокуров: Олимпийский путь» кітабын сыйлады.