Тур де Франс. «Астана» капитаны Якоб Фульсанг 12-ші кезеңде 2-ші орында келді

«Астана» командасының капитаны Якоб Фульсанг «Тур де Франс» велокөпкүндігінің 12-ші кезеңін екінші орынмен аяқтады. Аталмыш кезеңде ресейлік «Катюша» командасының өкілі Хоаким Родригес 1-ші келсе, «Астананың» даниялық велошабандозы Якоб Фульсанг Хоакимнен 1 минут 12 секундқа кешігіп, 2-ші орында аяқтады. Ал, үздіктер үштігін «AG2R» командасынан франциялық Ромен Барде түйіндеді. «Астана» сапындағы өзге велошабандоздардың нәтижелері: Винченцо Нибали — 16, Танел Кангерт — 52, Лиуве Вестра — 70, Андрей Гривко — 107, Микеле Скарпони — 123, Дмитрий Груздев — 130. Ал, бас классификацияда «Тур де Франс» көпкүндігінің былтырғы жеңімпазы, «Астана» клубының бұған дейінгі капитаны болған Винченцо Нибали 2 сатыға жоғарылады. Бас классификация: 1. Кристофер Фрум (Ұлыбритания, «Sky») — 46:50:32 2. Тиджей Ван Гардерен (АҚШ, BMC) — +02:52 3. Наиро Кинтана (Колумбия, «Movistar») — +03:09 ...9. Винченцо Нибали (Италия, «Астана») — +7:47