Велоспорттан Астана Кубогы үшін жарыс өтті

Астанадағы «Сарыарқа» велотрегінде «Астана Кубогы» үшін велоспорттан жарыс өтті. Сайысқа 55 спортшы қатысқан. Жасөспірімдер арасындағы жарыстың «Б» тобында 1-ші орынды Амир Богданов иеленсе, күміс жүлдені Кирилл Стрельченок, ал қола медальді Данил Потапенко ұтып алды. Сондай-ақ, жасөспірімдердің «А» тобында Юрий Филатов жеңімпаз атанды. Қыздар арасында осы топтық жарыста Әнел Айзахметова топ жарды. 10 шілде күні өткен 2 шақырым қашықтықты құраған жекелей сайыста жасөспірімдер арасында Юрий Филатов, осы топтағы қыздар арасында Карина Кулагина және Амелия Ысқақова жеңімпаздар қатарынан орын алды. «Астана Кубогы» үшін өткен веложарыс жеңімпаздары 19-24 шілде аралығында Астана қаласында «Сарыарқа» велотрегінде өтетін Қазақстан чемпионатында елорда намысын қорғайды.