Тур де Франс-2015. «Астана» капитаны Винченцо Нибали 5-ші кезеңді 19-шы орында аяқтады

«Астана» велокомандасының капитаны Винченцо Нибали Францияда өтіп жатқан «Тур де Франс» көпкүндігінің 5-ші кезеңінде мәре сызығын 19-шы болып кесті. Бұл кезеңде жеңісті «Lotto Soudal» командасының өкілі германиялық велошабандоз Андре Грайпель тойласа, 2-ші орынды «Tinkoff-Saxo» командасынан словакиялық Петер Саган иемденді. Үздіктер үштігін ұлыбританиялық Марк Кэвендиш («Etixx - Quick Step») түйіндеді. В.Нибалиден бөлек, «астаналықтардан» эстониялық Танел Кангерт кезеңде 17-ші орынды иеленді. Сонымен қатар, «Астананың» тағы бір өкілі италиялық Микеле Скарпони 20-шы келді. Ал, бас класификацияда Нибали 13-орынды сақтап, көшбасшы Тони Мартиннен 1 минут, 50 секундқа қалып келеді. Бас класификация: 1. Тони Мартин (Германия, «Etixx-Quick Step») — 17:19:26. 2. Крис Фрум (Ұлыбритания, «Sky») — 17:19:38 (+00:12). 3. Тиджей ван Гардерен (АҚШ, «ВМС») — 17:19:51 (+00:25). 13. Винченцо Нибали (Италия, «Астана») — 17:21:16 (+01:50).