«Астана» велокомандасына арналған швейцариялық сағаттар жасалды

Тур де Франс-2014 чемпионы Винченцо Нибали мен «Astana Pro Team» командасының Бас менеджері Александр Винокуров Швейцарияның Ньон қаласында орналасқан «Hublot» сағат құрастыру зауытын тамашалады. «Hublot» компаниясының басқарма басшысы Жан-Клод Бивер мен қызметкерлер Нибали мен Винокуров үшін зауыт ішін таныстырып, сағатты құрастыру процесін көрсетті. Зауыттың коллекциясындағы ең сирек және қымбат (1 миллион еуро тұратын да) сағаттар қонақтарға таныстырылды. Сонымен қатар, Бивер Винокуров пен Нибалиге «Astana Pro Team» дизайнына негізделіп жасалған «Hublot» сағаттарын сыйға тартты. Бұл сағаттар Astana Big Bang, яғни Астананың «Үлкен жарылысы» деп аталады. Фото: proteam-astana.com