«Алматы туры-2014» халықаралық веложарысын «Eurosport» телеарнасы тікелей эфирде көрсетеді

5-ші қазан күні Алматыда өткізілетін «Алматы туры-2014» халықаралық кәсіби веложарысын әлемдегі ең ірі спорттық арналардың бірі «Eurosport» телеарнасы тікелей эфирде көрсетеді. «Eurosport» телеарнасы 5-ші қазан күні күндіз 12 сағат 55 минуттан бастап, 13 сағат 55 минутқа дейін тікелей эфирде трансляция жүргізіледі. Комментаторлық қызметті «Eurosport» арнасының белгілі комментаторы Сергей Курдюков атқарады. «Алматы турын» трансляциялау - гранд-турлардан хабар таратудың халықаралық стандарттарына сай жүзеге асырылады, яғни жарыс стационарлық орындардан, мотоциклдерден және тікұшақтан түсіріледі. Сонымен қатар қала тұрғындары мен қонақтары жарыс барысын отандық «KAZsport» және «Алматы» телеарналарынан да тікелей эфирде тамашалай алады.