Диас Өмірзақов «China Track Cup» жарысында күміс медаль алды

Осы аптада Қытайда өткен велоспорттан ерлер арасындағы С1 дәрежесіндегі халықаралық жарыста қазақстандық спортшылар спринтерлік және көпсайыс дисциплиналары бойынша сынға түсті. Біздің спортшылар үшін омниумда өткен жарыстар сәтті болды. Жарыс жеңімпазы 6 дисциплинаның нәтижесі бойынша анықталды. Диас Өмірзақов екінші (212 ұпай), Никита Клеванов бесінші (164 ұпай), ал Пазылбек Жақсылық (22 ұпай) сегізінші болды.