«Тур де Франс» велокөпкүндігінің алтыншы кезеңі аяқталды

«Тур де Франс» велокөпкүндігінің алтыншы кезеңінде «Lotto-Belisol» командасының өкілі Андрэ Грайпель жеңіске жетті. Екінші және үшінші орынды «Катюша» командасының норвегиялық велошабандозы Александр Кристофф пен AG2R командасының спортшысы француз Самюэль Дюмолин бөлісті. «Астана» сапынан Якоб Фульсанг ең жоғары нәтиже көрсетті. Ол мәре сызығын 15-ші кесті. Команда капитаны Винченцо Нибали алтыншы кезеңде 18-ші орыннан көрінді. Дегенмен, италиялық велошабандоз жалпы есептегі орнын сақтап қалды. Жалпы есеп: 1. Винченцо Нибали (Италия, «Астана») - 24:38:25 2. Якоб Фульсанг (Дания, «Астана») - 0:02 3. Петер Саган (Словакия, «Cannondale») - 0:44 36. Танел Кангерт (Эстония, «Астана») - 6:31 48. Андрей Гривко (Украина, «Астана») - 12:50 64. Льюв Вестра (Голландия, «Астана») - 19:22 78. Дмитрий Груздев (Қазақстан, «Астана») 101. Максим Иглинский (Қазақстан, «Астана») - 27:12 107. Микеле Скарпони (Италия, «Астана») - 28:20 178. Алессандро Ванотти (Италия, «Астана») - 46:52.