Андрей Кивилевты еске алуға арналған турнир өтті

Андрей Кивилевтың «Париж-Ницца» велокөпкіндігі кезінде өмірден өткеніне биыл 10 жылдың жүзі болды.

Қазақстандық велошабандозды еске алуға арнап жыл сайын бірнеше жарыстар ұйымдастырылады. Осындай турнирлердің бірі жуырда Францияның Сент-Этьен өңірінде өтті. Оған 6 дан 70 жасқа дейінгі 300-ге жуық әуесқой велошабандоздар қатысып, ұйымдастырушылар тіккен жүлделерді сарапқа салды.

Андрейдің жақын достарының бірі, «Astana PRO Team» командасының бас менеджері Андрей Винокуров жарысқа қатысушыларға сыйлықтар таратты.