Максим Иглинский Алматы турының жеңімпазы

Казақстандық велошабандоз Максим Иглинский «Алматы туры» деп аталатын Қазақстан велоспортының тарихындағы алғашқы кәсіби турдың жеңімпазы атанды. 31 шакырымнан тұратын 5 айналымды жүріп өткен спортшылар Алматы қаласының әл-Фараби мен шығыс айналма жолын басып өтті.

Алғашқы метрлерден бастап жарыс қыза түсті. Шабуылға шығып, лидерлік топты құрағандардың арасында Максим Иглинский де болды. Соңғы шақырымдарда оның жасаған шабуылы нәтижесін беріп, Қазақстанның үздік шабандозы тарихи жеңіске жетті. Ал мәре сызығының алдындағы спринтте «Бардиано-Вальволе» командасының өкілі Сонни Кольбрелли екінші орын алды. Ал үшінші орын Қазақстан құрамасының тағы бір өкілі Руслан Тлеубаевқа бұйырды.