Қазақстандық мәнерлеп сырғанаушы Элизабет Тұрсынбаеваның өнерін «Kazsport» телеарнасынан тікелей эфирде тамашалаңыздар

Бүгін қазақстандық мәнерлеп сырғанаушы Элизабет Тұрсынбаева Ресейдің Мәскеу қаласында өтетін мәнерлеп сырғанаудан Гран-при сериясының үшінші кезеңі  «Rostelecom Cup 2016» жарысында бақ сынамақ. Оның өнерін көрермендер «Kazsport» телеарнасының тікелей эфирінде сағат 23:25-де  көре аласыздар. 

Еске сала кетсек, Элизабет былтыр «Skate America-2015» турнирінде төртінші, «Skate Canada - 2015» бәсекесінде жетінші орынға ие болған еді. Сонымен қатар, Тұрсынбаева ағымдағы жылы Норвегияның Лиллехаммер қаласында өткен жасөспірімдер арасындағы Олимпиаданың қола жүлдегері.