Аты аңызға айналған қазақстандық волейболшы Жанбекхан Саурамбаев өмірден өтті

2016 жылдың 24 қазанында 77 жасында аты аңызға айналған қазақстандық волейболшы, Қазақстанның еңбек сіңірген спорт шебері Жанбекхан Саурамбаев дүниеден өтті. Жанбекхан Саурамбаев атақты алматылық «Буревестник» клубының кпитаны болған. Команда құрамында Кеңес одағының чемпионы (1969) және Еуропалық чемпиондар Кубогының екі дүркін чемпионы (1970, 1971) болды. Бұдан бөлек, ол КСРО құрамасында нәтижелі ойын көрсетіп, Әлем Кубогының иегері, Әлем чемпионатының қола жүлдегері атанды. Қазақстанда және Кувейтте табысты қызмет атқарып, жаттықтырушылық кезеңдерінде алғаш рет Қазақстанның паралимпиадалық құрамасын әлемдік аренаға шығарды. Спортшымен қоштасу 27 қазанда сағат 10:00-де Балуан Шолақ атындағы спорт сарайында өтеді.