Қазақстандық каратэшілер Азия чемпионатында үшінші орын иеленді

Ташкентте каратэден Азия чемпионаты аяқталды. Каратэ-до бойынша қазақстандық клубтардың қоржыны 2 алтын, 6 күміс және 6 қола медальмен толықты. Осылайша қазақстандықтар жалпыкомандалық есепте үшінші орынға ие болды. Азия чемпионатына 450 спортшы қатысқан. Бұл құрлық елдеріндегі шамамен 27 клубтың мүшелері, деп хабарлады Қазақстан каратэ-до федерациясы. Азия ойындарының чемпионы Гафурова Гузалия (ТАССАЙ клубы) финалда ирандық спортшыдан басым түсіп, чемпиондық титулға (68 келіге дейін) ие болды. Ал, 75 келіге дейінгі салмақ дәрежесінде Мелдеханов Алдияр (COLA Kazakhstan клубы) алтын медаль ұтып алды.